Әли Әлиев: Біз өз қақпамызға екі гол соғып алдық

Футболдан Қазақстан құрамасының бас бапкерінің міндетін атқарушы Әли Әлиев Уэльске қарсы ойындағы (3:1) жеңіліс туралы пікір білдірді, деп хабарлайды Sport+.

— Біз қарсыластың деңгейін және олардың қандай ойыншыларға ие екенін түсіндік. Сондықтан белгілі бір тактиканы таңдадық. Егер біз қарсы прессинг жасай алмасақ және олар бізді ойыннан өшіре алса, біз белгілі бір қорғаныс блокта ойнаймыз және сол блокта жұмыс істеп, допты тартып алуға тырысамыз.

Содан кейін бізде жылдам ойыншылар бар — Самородов, Чесноков және Жақсылықов. Бұл біздің алғашқы жоспарымыз болды. Біз Уэльс командасы допты жоғалтқаннан кейін беретін бос кеңістікті пайдалануымыз керек еді. Өйткені олардың қапталдағы қорғаушылары орталыққа ойысып, флангтарда бос орын қалды. Бірінші таймда біз осы жоспарды орындадық: тірек жартылай қорғаушылар мен орталық қорғаушылар, сондай-ақ оң және сол қапталдағы қорғаушылар сапалы пастармен ойынды өрбіте алды.

Ең өкініштісі — біз стандарттық жағдайларды көп жаттықтырдық, бірақ дәл сол стандарттардан екі гол жіберіп алдық. Яғни, біз өзімізге өзіміз екі гол соғып алдық. Әрине, Уэльс құрамасының табандылығын жоққа шығармаймын. Бірақ шынымды айтсам, біз бұл матчта кем дегенде бір ұпай аламыз деп ойладық. Осындай қателіктер бізге кешірілмейді деп есептеймін, осы компонент бойынша әлі де жұмыс істеуіміз керек, — деді Әлиев ҚФФ-на берген сұхбатында.

Қазақстан құрамасы келесі матчты Лихтенштейнге қарсы өткізеді.