Абат Аймбетов: Мен екі жыл бұрын Солтүстік Ирландияға қарсы ойында жасағанымды қайталауға дайынмын
Қазақстан құрамасының шабуылшысы Абат Айымбетов 2026 жылғы Әлем чемпионатының іріктеу кезеңінде Уэльске қарсы өтетін матч туралы ойымен бөлісті, деп хабарлайды Sport+
— Әлем чемпионатының іріктеу кезеңі басталады. Біз жақсы нәтижемен бастауды қалаймыз. Уэльс құрамасы — өте мықты команда, олардың ойынын талдап жатырмыз және тактикаларын тағы да зерттейміз. Өздеріңіз білесіздер, олар Ұлттар лигасының В тобында қатарынан алты матчта жеңілмеген. Өте күшті қарсылас. Артық ештеңе айтпай-ақ қояйын, бірақ біз жақсы нәтижеге қол жеткізу үшін бар күшімізді саламыз.
Мен екі жыл бұрын Солтүстік Ирландияға қарсы ойында жасағанымды қайталауға дайынмын. Әрине, елімізді жеңіспен қуантқымыз келеді және Қазақстанға жақсы нәтижемен оралғымыз келеді.
Түркия чемпионатында клубым сәтсіздеу өнер көрсеткені өкінішті, бірақ дәл қазір басты мақсат — Қазақстан құрамасына жеңіске жетуге көмектесу. Құрамадағы атмосфера тамаша, отандық маман келді, бәрі жақсы.
