Григорий Бабаян «Астананың» трансферлеріне баға берді

«Астана» командасының бас бапкері Григорий Бабаян Vesti.kz сайтына берген сұхбатында клубтың өткен маусымдағы жаңа ойыншыларына баға берді, деп хабарлайды Sport+.

— Саян Жақсыгелдіұлының жұмысын тағы да атап өтемін. Ол келіссөздерді нәтижелі жүргізе алады, келісуді біледі, өйткені Қазақстанға жақсы футболшы әкелу оңай емес. Мысалы, Назми Грипшимен болған оқиға. «Астана» оны маусым басталғанға дейін қатарға қосқысы келді, бірақ сол кезеңде оның клубы футболшыны белгілі бір сомаға сатудан бас тарты. Біз оның келісімшарты жазда аяқталатынын білдік және осы уақыт ішінде клуб онымен байланыста болды, мамыр айында біз футболшыны мүлдем тегін алдық. 

Біз қыста құрамымызды күшейтетін бірнеше ойыншы болды, бірақ олар жазда тегін келді. Бұл ең нәтижелі селекция, қатесіз жұмыс! Бранимир Калаица — бірден негізгі ойыншы атанды: тұрақты, маңызды голдар соқты. Карло Бартолец — жұмыс көлемі зор, барлық қасиеттер бар, бізді бірден күшейтті. Джеффри Чинеду Сербия командасында болды, оны сатып алу мүмкіндігі пайда болды, бірақ содан кейін шабуылшы Қытайды таңдады, өйткені «Астананың» көп ақша төлеуге мүмкіндігі болмады. Бірақ осы уақыт ішінде біздің басшылық онымен байланысын жоғалтпады және соңында Чинеду қатарымызды күшейтті, — деді Бабаян.