Григорий Бабаян - Премьер-лиганың үздік бапкері

Qazaqstan Football League OLIMPBET QFL Премьер-лигасының 2024 жылғы маусымындағы үздік бапкерді назарларыңызға ұсынады. Остроушко Леонид Константинович атындағы номинацияға «Астана»клубының жаттықтырушысы Григорий Бабаян лайық деп танылды, деп хабарлайды Sport+.

Үздік бапкерді турнирге қатысқан клубтардың бапкерлері дауыс беру арқылы анықтады.

44 жастағы отандық маманның баптауымен «Астана» клубы OLIMPBET QFL Премьер-лигасының күміс жүлдесін иеленді. Елордалық команда 14 мәрте жеңіске жетіп, қарсылас қақпасына 39 гол соқты және ең аз 19 гол өткізді. Клуб Конференция лигасының жалпы кезеңіне шығып, сондай-ақ Бабаян қыркүйек айының үздік бапкері атанған болатын.