Чемпионаттың үздік сұрмергендерінің бірі «Тобылға» ауысады
«Атыраудың» беларус шабуылшысы Николай Сигневич өзінің мансабын қостанайлық «Тобылда» жалғастырады, деп хабарлайды Sport+ Meta-ratings.kz сайтына сілтеме жасап.
Ойыншы «Атыраудан» кетіп, қостанайлық ұжыммен келісімшартқа отырды.
Айта кетейік, Сигневич өткен маусымның қорытындысы бойынша «мұнайшылар» сапында 24 матч өткізіп, 10 гол соғып, Қазақстан чемпионатының үздік сұрмергендерінің бірі атанды.
