Елена Рыбакина Абу-Дабидегі беделді турнирге қатысады

Елена Рыбакина 19-22 желтоқсан аралығында Абу-Дабиде (БАӘ) өтетін World Tennis League турнирінде өнер көрсетеді, деп хабарлайды Sport Plus Qazaqstan.

Бұл турнирде 16 теннисшінің қатысуы күтілуде.

Бұл қазақстандық спортшының ұзақ үзілістен кейінгі алғашқы жарысы болмақ. Ол Олимпиада ойындарынан кейінгі соңғы екі айда үш маңызды турнирден бас тартып, рейтингтегі ұпайларын жоғалтқан болатын.