Бокстан әлем чемпионатының өтетін орны өзгертілді

Қазақстан әйелдер құрамасы бокстан әлем чемпионатының өтетін орнына қатысты күтпеген жаңалық алды. Халықаралық бокс қауымдастығы (IBA) турнирдің өтетін орнын өзгерткенін хабарлады, деп жазады Sport+.

Бұған дейін әлем чемпионаты Сербияның Белград қаласында өтуі тиіс еді, бірақ соңғы сәтте турнир Ниш қаласына ауыстырылды.

Еске сала кетейік, өткен жылы Қазақстан Халықаралық Олимпиада комитеті мойындаған жаңа құрылым – World Boxing құрамына ресми түрде енді, алайда ел IBA-дан шыққан жоқ.