Бек Нұрмағамбет Канелоның командасына қалай кіргені туралы айтты
Қазақстандық боксшы Бек Нұрмағамбет Sport+ телеарнасына берген сұхбатында Сауль Канело Альварестың командасына қалай кіргені туралы айтып берді.
«Бізді қолдаған Suleimen Promotion жабылғаннан кейін, Канелоның бапкері маған Instagram-парақшама жазып, сол жаққа келуді ұсынды. Ол маған үміт артып отқаны туралы айтты. Жататын жерімді, жейтін тамағымда төлеп отырды. Сан-Диего қаласында Канело және басқа мексикандық жігіттермен жаттықтым», — деді Бек.
Сонымен қатар, Бек оның жекпе-жектерін кім жоспарлайтыны туралы ақпаратпен бөлісті.
«Мен Канелоның салмағында өнер көрсетемін. Ол әлемдік рейтингте бірінші нөмерде, мен 14-шімін. Олар менде бірнәрсе көріп отыр деген үміттемін. Негізі менеджерім жоқ, сол Канелоның бапкері Эдди Рейносо жекпе-жекке шығуға көмектеседі», — деді қазақстандық боксшы.
Бек Нұрмағамбетпен толық сұхбатты біздің YouTube-арнамыздан көре аласыз.
