Усиктің белбеуіне жаңа үміткер пайда болды

WBO бокс ұйымы үздік боксшылар рейтингін жаңартып, ауыр салмақтағы қазіргі чемпион Александр Усиктің жағдайына өзгерістер енгізді, деп хабарлайды Sport+.

Украиналық боксшыдан екінші рет жеңілгеннен кейін, британдық Тайсон Фьюри басты үміткер мәртебесінен айырылып, ауыр салмақ рейтингінде бірінші орыннан үшінші орынға түсті.

Енді Усиктің белбеуіне басты үміткер қытайлық боксшы Чжан Чжилэй болды. Ол 22 ақпанда өтетін Агит Кабайелге қарсы жекпе-жекке дайындалып жатыр. Бұл кездесу WBC нұсқасы бойынша уақытша белбеу үшін өтеді.

Усиктің Фьюриден жақында жеңіске жетуінің арқасында, ол WBA, WBC және WBO нұсқалары бойынша чемпиондық белбеулерін сақтап қалды. Ал IBF белбеуі Дэниел Дюбуа қолында.