Бауыржан Байтана: Парфеновпен қарым-қатынас жақсы, өзіміз сияқты қарапайым кісі

«Ақтөбе» командасының көшбасшысы Бауыржан Байтана Sport Plus Qazaqstan сайтына берген сұқбатында команданың дайындығы туралы ой бөлісті.

«Жиын әдеттегідей өтіп жатыр. Бақылау ойындары, жаттығулар ойдағыдай. Ең бастысы – чемпионатқа дайын болуы қажет. Осыдан 2-3 күн бұрын кішігірім жарақат алып қалдым, осыған байланысты медициналық штаб үзіліс жасауды сұрады. Махачкаланың «Динамосы» - тәжірибелі команда, оларда бірінші айналым аяқталды, сол себепті футболшылары бабында. Қарсылас Ресей бірінші лигасында көш бастап келе жатыр. Бас бапкер теорияда ойынға қатысты ойларымен бөліседі. Парфеновпен қарым-қатынас жақсы, өзіміз сияқты қарапайым кісі. Ол бәрімен сөйлесіп, танысып жатыр. Бәрі жақсы. Жасалып жатқан жұмыстың нәтижесін маусымның соңында көрерміз», - деді тәжірибелі жартылай қорғаушы.