Астанада грек-рим күресінен халықаралық турнир өтеді

10-14 наурыз аралығында Астанада Жақсылық Үшкемпіровті еске алуға арналған халықаралық турнир өткізіледі, деп хабарлайды Sport Plus Qazaqstan.

Жарысқа Қазақстан, Өзбекстан, Қырғызстан, Бельгия, Әзірбайжан, Украина, Сауд Арабиясы, Тәжікстан және Ресейден спортшылар қатысады.

Грек-рим күресі бойынша бұл турнирде он салмақ дәрежесінде жеңімпаздар мен жүлдегерлер анықталады.

Турнир Жақсылық Үшкемпіров атындағы жекпе-жек сарайында өтеді деп күтілуде.