Күрес түрлерінен ел біріншілігі: Бүгін бес салмақтың мықтылары анықталады

Күрес түрлерінен Астана қаласында өтіп жатқан ел біріншілігінде грек-рим күресінен жеңімпаздар мен жүлдегерлер толығымен анықталады, деп хабарлайды Sport Plus Qazaqstan.

Боз кілемге 60 келі, 67 келі, 77 келі, 87 келі және 130 келі салмақ санатындағы балуандар өзара кім мықтыны анықтайды. 

Ел біріншілігі елорда төрінде Жақсылық Үшкемпіров атындағы «Жекпе-жек» спорт сарайында өтіп жатыр.

Аталған ел біріншілігіне еліміздің 20 өңірінен 600-ден астам күрес шеберлері қатысуда.

Осы біріншілікте топ жарған балуандар Бішкекте (Қырғызстан) өтетін Азия аймақтық, Ыстанбұлда (Түркия) өтетін әлемдік іріктеу турнирінде бақ сынау мүмкіндігіне ие болады.