Жақсылық Үшкемпіровті еске алуға арналған турнир өтеді

Астанада Жақсылық Үшкемпіровті еске алуға арналған грек-рим күресінен жасөспірімдер (U20) арасындағы халықаралық турнир өтеді, деп хабарлайды Sport Plus Qazaqstan.

11-13 наурыз аралығында Астана қаласында Жақсылық Үшкемпіров атындағы Жекпе-жек сарайында КСРО-ның еңбек сіңірген спорт шебері, Олимпиада чемпионы, әлем чемпионы, Қазақстанның Еңбек Ері Жақсылық Үшкемпіровті еске алуға арналған грек-рим күресінен жасөспірімдер (U20) арасындағы халықаралық турнир өтеді, - делінген хабарламада.

Оған әлемнің ең үздік бозкілем шеберлері қатысып, 10 салмақ дәрежесінде күш сынасады.

Турнир Туризм және спорт министрлігінің Спорт және дене шынықтыру істері комитеті, Грек-рим, еркін және әйелдер күресі федерациясы мен Астана қаласының дене шынықтыру және спорт басқармасының ұйымдастыруымен өтеді.