«Астана» албаниялық аяқдопшыны шақырды

«Астана» футбол клубы албаниялық хавбек Назми Грипшимен келісім шарт жасасқанын жариялады, деп хабарлайды Sport Plus Qazaqstan
Назми – Албания тумасы. 26-жасар аяқдопшы «Балкани» құрамында көп жылын өткізген. Аталмыш клубпен «Астана» 2023/24 маусымындағы УЕФА конференция Лигасы аясында кездескен еді. Шабуылдағы жартылай қорғаушы және оң не сол вингер рөлінде де ойнай алады.
Барлығы Косово командасының атынан 31 гол соғып, 25 ассист жасаған. «Скендербеу» сапында 14 гол мен 14 нәтижелі пас авторы атанған.

Албаниялық аяқдопшымен келісім шарт мерзімі - 2 жыл.