Футбол алаңы опырылып түсіп, ортасында үлкен шұңқыр пайда болды
АҚШ-тың Иллинойс штатындағы Олтон қаласында футбол алаңында үлкен шұңқыр пайда болды, деп хабарлайды Sport Plus Qazaqstan.
26 маусымда таңертең қалалық саябақтағы футбол алаңының бір бөлігі жер астына кетіп, оның орнында тереңдігі 30 метрден асатын және диаметрі 30 метр болатын шұңқыр пайда болды.
Жасанды жабынмен бірге жарықтандыру діңгегі де жер астына өтті.
Футбол алаңының астында әктас кеніші орналасқан. Кеніш иелері апатқа шөгу себеп болғанын айтты.
Олтон мэрі Дэвид Гойнс ешкім зардап шекпегенін хабарлады.
Ақауды жою мерзімі әлі белгісіз. Себебі топырақтың күйін инженерлер мен геологтар зерттеуі керек.
Ондаған жыл бұрын футбол алаңының шетінде он метрлік тесік пайда болған. Оны бірден толтыру мүмкін болмаған. Ол үшін жасанды жабынды өзгерту керек болған.
