Асланбек Бадаев: Резников пен Раисовтың жекпе-жегі – ММА индустриясындағы ең күтілетін реванштардың бірі
ACA ұйымының вице-президенті Асланбек Бадаев әлеуметтік желілерде Артем Резников пен Юсуф Раисовтың реваншы бес раундқа созылатынын мәлімдеді, деп хабарлайды Sport+:
«Бұл – ММА индустриясындағы ең күтілетін реванштардың бірі. Олардың алдыңғы жекпе-жегі үш раундқа созылып, көптеген сұрақтар қалдырды. 15 желтоқсанда Мәскеуде оларды бес раунд күтуде, бұл ақырғы нүктені қоюы тиіс», – деп жазды Бадаев.
Жекпе-жек 15 желтоқсан күні Мәскеуде өтетін ACA 182 турнирінде өтеді. Спортшылар арасындағы алғашқы кездесу 2020 жылдың қыркүйегінде өткен болатын және Резников төрешілердің бөлек шешімімен жеңіске жеткен еді.
