Дана Уайт UFC жаңартылған рейтингі жайлы пікір білдірді

UFC президенті Дана Уайт ұйымның жаңартылған рейтингіне қатысты өз пікірін білдірді, деп хабарлайды Sport+.  

Рейтингтің бірінші орнында Дағыстан тумасы, аралас жекпе-жек шебері Ислам Махачев орналасқан. Екінші орынға UFC-дің ауыр салмақтағы қазіргі чемпионы Джон Джонс көтерілді, ал үшінші орын UFC-дің жартылай ауыр салмақтағы чемпионы Алекс Перейраға тиесілі.  

«Мен бұл сайқымазақтардан құтылуым керек!!», – деп жазды Уайт әлеуметтік желідегі парақшасында, топ-3 UFC файтерінің суреті бар скриншотты қоса тіркеп. 

Еске сала кетейік, 16-нан 17 қарашаға қараған түні Нью-Йоркте (АҚШ) Джон Джонс үшінші раундта техникалық нокаутпен Стипе Миочичті жеңіп, рейтингте жоғарылаған болатын.