Әлішер Ерғали: Бұл жеңісімді топан судан зардап шеккен қазақ халқына арнаймын

Этникалық қазақты жеңіп, Олимпиадаға жолдама алған Әлішер Ерғали жеңістен кейінгі әсерімен бөлісті, деп хабарлайды Sport Plus Qazaqstan.

Баршаңызға рақмет! Бүгін көптен күткен Олимпиада жолдамасына қол жеткіздім. Қазақ еліне Олимпиадаға жолдама сыйлағаныма өте қуаныштымын. Қытай балуанымен байқасатынымды алдын ала білдім.

Әбусайман Хабиланы осымен үшінші рет жеңдім. Бір-біріміздің қимылымызды жаттап алғанбыз. Осы жеңісім арқылы су астында қалған ауыл халқының көңілін серпілткім келді.

Бұл жеңісімді топан судан зардап шеккен қазақ халқына арнаймын. Біз біргеміз! - деді Ә.Ерғали.