Grand Slam турнирі: Сметов египеттік қарсыласын соңғы минуттарда ұтты

Франция астанасы Парижде дзюдодан әлемдік Grand Slam турнирі басталды, деп хабарлайды Sport Plus Qazaqstan.

Бүгін ерлер арасындағы бәсекеде 60 және 66 келіде жеңімпаздар анықталады.

Жарысты алғаш боп бастаған үш қазақстандық балуан келесі айналымға өтті.

Елдос Сметов египеттік спортшыны жеңді. Белдесудің соңына дейін қарсыластар бір-бірін ала алмай, соңғы минуттарда Сметов қарсыласын таза ұтты. 

66 келідегі Ғұсман Қырғызбаев конголық қарсыласын, Есет Қуанов венесуэлалық балуанды жеңді.