Жібек Құламбаева Мумбайдағы WTA турнирінің жартылай финалына шықты
Үндістанның Мумбай қаласында WTA 125 турнирі өтуде, онда жұптық жарыста қазақстандық Жібек Құламбаева өнер көрсетуде, деп хабарлайды Sport Plus Qazaqstan.
Жібек кореялық Сойон Пакпен бірге турнирдің жартылай финалына шықты. Бірінші айналымда олар Морателли – Розателло жұбын (екеуі де – Италия) 7:6, 6:2 есебімен жеңді.
Ал ширек финалда Моне (Франция) – Яшина (Россия) жұбына қарсы екі сетте де қарсыластарын 7:6, 6:1 есебімен жеңді.
