Попко Аргентинада өткен «Челленджердің» 1/8 финалына шықты

Қазақстандық теннисші Дмитрий Попко Буэнос-Айростағы «Челленджердің» 1/8 финалына жолдама алды, деп хабарлайды Sport Plus Qazaqstan.

Бірінші раундта қазақстандық спортшы бразилиялық Орландо Луцаны жеңіп алды – есеп 5:7, 6:4, 6:1.

Келесі кезеңде Попко неміс теннисшісі Тимо Штоддермен кездеседі.

Спортшылар бір-бірімен 2023 жылдың қараша айында Анталия қаласында өткен ITF турнирінде кездесті. Ол кезде Дмитрий 7:5, 6:2 есебімен басым түскен болатын.