«Жетісу» кубок үшін есе қайтара ма? «Ордабасы» — «Жетісу» матчының трансляциясы
Футболдан Қазақстан чемпионатының 10-туры аясында турнир кестесінің көшбасшыларының бірі «Ордабасы» өз алаңында «Жетісуды» қабылдайды.
Командалар осыдан бірнеше күн бұрын Қазақстан Кубогында кездескен болатын. Ол матчта шымкенттік клуб Дэвид Абагнаның голының арқасында жеңіске жеткен еді.
Енді чемпионат аясындағы ойында Қайрат Нұрдәулетовтің шәкірттері қарсыласын тосын нәтижемен таңғалдыруға тырысады.
Матч 20:00–де басталады. Тікелей трансляция Sport+ телеарнасында және sportplustv.kz сайтында көрсетіледі.
