«Зенит» Бактиер Зайнутдиновқа ұсынысты ұлғайтты

«Зенит» Қазақстан құрамасының жартылай қорғаушысы Бактиер Зайнутдиновтың трансфері бойынша «Бешікташқа» жаңа ұсыныс жасамақшы, деп хабарлайды Sport Plus Qazaqstan.

Зайнутдиновтың Ресейге оралғысы келмейтінін және «Бешікташта» немесе басқа еуропалық клубта ойнауды қалайтынын білдіргеніне қарамастан, «Зенит» оны әлі де қатарына қосуға ниетті. Санкт-Петербургтық клуб «Бешікташқа» Зайнутдинов үшін шамамен 10 миллион еуро ұсынбақшы.

Өткен маусымда Бактиер Зайнутдинов «Бешікташ» сапында 37 матч өткізіп, бір гол соқты.