Хоккейден Қазақстан жастар құрамасы әлем чемпионатындағы қарсыластарын білді

Қазақстанның жастар құрамасы 2025 жылғы әлем чемпионатындағы қарсыластарын білді, деп хабарлайды Sport Plus Qazaqstan.

2024 жылдың 26 желтоқсанынан 2025 жылдың 5 қаңтарына дейін Канада астанасы Оттавада хоккейден жастар арасындағы әлем чемпионаты өтеді. Қазақстан құрамасы В тобында Швеция, Чехия, Словакия және Швейцария командаларымен бірге өнер көрсетеді. Турнирдің плей-офф кезеңіне әр топтан 4 команда шығады, ал соңғы бесінші орын алған командалар өзара кездесу өткізеді.

Естеріңізге сала кетейік, өткен жылдың желтоқсан айында біздің жастар Венгрияда өткен ІА дивизионында бірінші орынды иеленіп, бес жылдан кейін жастар хоккейінің элитасына оралады. Соңғы рет біздің U20 құрамасы 2020 жылы Чехияда өткен МЧМ-ға қатысқан еді.