WBO титулы үшін жекпе-жек Sport+ арнасында тікелей эфирде

30 наурыздың таңында әйелдер боксының ең күтілген реванштарының бірі өтеді — WBO чемпионы, 34 жастағы америкалық Микаэла Майер (20-2, 5 КО) мен 31 жастағы британдық Сэнди Райан (7-2-1, 3 КО) қайта кездеседі.

Олардың алғашқы жекпе-жегі 2024 жылдың қыркүйегінде өтті, онда Майер төрешілер шешімімен жеңіске жетті, бірақ бір төреші тең нәтиже (95-95) деп бағалаған болатын.

Сондай-ақ, сол таңдағы тағы бір титулдық айқас — ерлер арасында WBO белдігі үшін Брайан Норман мен Деррек Куевастың жекпе-жегі өтеді.

Боб Арум ұйымдастырған бұл бокс кешін толықтай Sport+ телеарнасынан тікелей эфирде тамашалауға болады.