Министрліктен такси жүргізушілеріне дейін тактика талқылады: Олимпиада жүлдегері Нұрбек Оралбай мен бапкері әлеуметтік желілердің әсері туралы
Sport+ телеарнасындағы Bluste Bol бағдарламасының кезекті қонақтары — Париж Олимпиадасының күміс жүлдегері Нұрбек Оралбай және оның жеке бапкері Асқар Еркебаев. Олар төрт жылда бір өтетін басты дода кезінде халықтың қысымы мен әлеуметтік желілердегі пікірлердің спортшыларға қалай әсер ететінін айтты.
«Жанкүйерлердің пікірін көріп қаласың»
— Мен жартылай финалға шыққаннан кейін үш күн демалдым. Ол жақта телефонсыз жүру мүмкін емес. Үйдегілер жазады, жауап бересің, сол кезде жанкүйерлердің пікірін де байқап қаласың. Осыдан кейін бүкіл халықтың үмітін ақтауға тырысасың, бұл психологиялық тұрғыдан әсер етеді. Парижден кейін әлеуметтік желілердегі жазбаларға мән бермеуге болмайтынын түсіндім, — деді Нұрбек Оралбай.
«Барлығы тактика ұсынды»
Бұл мәселеге қатысты бапкері Асқар Еркебаев та пікір білдірді:
— Олимпиадада келесі жекпе-жекті 2-3 күн күту оңай емес. Нұрбектің жүйкесі өте төзімді, бірақ мұндай жарыстарда спортшыларға үлкен қысым болады. Үзіліс кезінде маған министрліктегі басшылықтан бастап, Астанадағы такси жүргізушілеріне дейін келесі жекпе-жекте қандай тактика қолдану керектігін айтып жатты, — деді бапкер.
Нұрбек Оралбай мен Асқар Еркебаевтың қатысуымен өткен Bluste Bol жобасының шығарылымын төмендегі сілтеме арқылы көре аласыздар.
