Самородовтың агенті «Ахматқа» трансфері туралы: Әзірге бәрі белгісіз
«Ақтөбе» клубының шабуылшысы Максим Самородовтың өкілі Дмитрий Кигинько футболшыға «Ахмат» қызығушылығы туралы пікір білдірді, деп хабарлайды Sport Plus Qazaqstan.
Бұрынғы Қазақстан құрамасының бас бапкері Магомед Адиевтің өтінішімен Грозный клубы 22 жастағы вингердің ауысуы туралы келіссөздер басталғанын журналист Иван Карпов хабарлаған болатын.
«Ахматтың» Самородовқа қызығушылығын растау әзірге мүмкін емес. Бірақ оған жалпы көптеген клубтар, соның ішінде РПЛ клубтары да қызығушылық танытуда», - деді Кигинько.
