Раулиан Пайва: Менің мақсатым — жеңу, содан кейін кез келген адаммен төбелесуге дайынмын

UFC бұрынғы жауынгері Раулиан Пайва Sport+ сайтына берген сұхбатында Руслан Сариевпен жекпе-жектен және Қазақстанда Жалғас Жұмағұловпен реванш туралы пікір бөлісті.

«Менің мақсатым — жекпе-жекте мүмкіндігінше тезірек жеңіске жету, содан кейін Жалғас немесе кез келген басқа жауынгер менімен төбелескісі келсе, мен дайын боламын», — деді бразил жауынгері.

Пайва — Сариев жекпе-жегі Алматыда 1 қарашада өтетін «Alash Pride» 101 турнирінде кештің басты текетіресі болады.

Турнир тікелей эфирде Sport+ Qazaqstan телеарнасында көрсетіледі.