«Қызылжар» негізгі қорғаушысымен келісімшартты ұзартты

Петропавлдық «Қызылжар» Бекзат Шадмановпен келісімшартты ұзартты, деп хабарлайды Sport Plus Qazaqstan.

Өткен маусымда Шадманов клубтың негізгі қорғаушыларының бірі болып, барлық жарыстарда 24 ойын өткізіп, бір нәтижелі пас берді.

Бекзат Шадманов – Тараз футбол мектебінің түлегі. Мансабын туған клубында бастаған. Сондай-ақ, «Қайсар» және «Байқоңыр» командаларында ойнады. 2023 жылдың басынан бастап «Қызылжар» сапында өнер көрсетеді.

Қорғаушы Қазақстан құрамасы үшін бір ойын өткізді – 2019 жылдың 21 ақпанында Молдоваға қарсы жолдостық кездесуде.