Қазір оған сенімділік жетіспейді: Нұрдәулетов Қазақстан құрамасының шабуылшысы туралы
«Жетісу» командасының бас бапкері Қайрат Нұрдәулетов Sport Plus Qazaqstan телеарнасына берген сұхбатында Қазақстан құрамасының шабуылшысы Абылайхан Жұмабектің ойынына баға берді.
– Жұмабекке кішкене уақыт керек. Қазір оған сенімділік жетіспейді. Абылайханға жиі ойнап, өзінің бабына келу керек. Сенімділік келген соң, голдарда келеді, - деді Қайрат Жұмабекұлы.
Өткен жексенбіде «Жетісу» Қазақстан чемпионаты аясында өз алаңында қарағандылық «Шахтердан» басым түсті – есеп 1:0. Кездесудің тағдырын пенальтиден нәтижелі соққы жасаған тәжірибелі ойыншы Серікжан Мужиков шешті.
