Қазақстанның қос боксшысы әлем чемпионатының финалында
Пуэблода (Колорадо, АҚШ) World Boxing ұйымдастыруымен алғаш рет өтіп жатқан бокстан U19 әлем чемпионатына Қазақстаннан төрт боксшы аттанған. Соның ішінде екеуі ақтық сынға жолдама алды, деп хабарлайды Sport+.
65 келіде Асылхан Көшербай Чехия, АҚШ және Украина спортшыларын жеңіп, финалда Аустралия боксшысымен күш байқасады.
85 келіде Даниял Райымбеков жартылай финалда Оңтүстік Корея өкілінен айласын асырып, алтын үшін Уэльс спортшысымен кездеседі.
Финалдық жекпе жектер 2 қарашаға жоспарланған.
