Қазақстандық дзюдошылар Ташкенттен жүлдесіз оралды

Ташкентте (Өзбекстан) дзюдодан Grand Slam сериясындағы ірі халықаралық турнир аяқталды. Аталған жарыста Қазақстан құрамасы жүлдеге іліге алмады.

Финалдық кезеңге тек Ерасыл Қажыбаев жетті. +100 келі салмақ дәрежесінде ол қола медаль үшін белдесуге шыққан еді.

Алайда отандасымыз жүлдеге қол жеткізе алмады — әзербайжандық Джамал Гамзатхановқа жол берді.

Айта кетейік, ұлттық құраманың келесі жарысы 6–8 наурыз аралығында Австрияда өтетін Гран-при болмақ.