Қазақстандық балуандар Стамбулда екі олимпиадалық квота үшін таласады
Біріккен күрес әлемі (UWW) Стамбулда (Түркия) өтетін соңғы лицензиялық турнирге қатысатын балуандар тізімін жариялады, деп хабарлайды Sport Plus Qazaqstan Olympic.kz сайтына сілтеме жасап.
UWW тізіміне сәйкес, грек-рим күресінен Қазақстан атынан екі балуан күреседі.
Олар - Дін-Мұхаммед Қошқар (67 келі), Юсуф Мациев (97 келі).
Дін-Мұхаммед Қошқар Қазақстан чемпинонатының финалында Мейіржан Шермаханбеттен ұтылған болатын. Бірақ екінші нөмірлі спортшы ретінде Бішкектегі Азия чемпионатына қатысқан жоқ.
Ал Юсуф Мациев 97 келі салмақта құрлық біріншілігінің финалына шығып, күміс жүлдегер атанған.
