Айдос Сұлтанғали: Бапкерлер мен дәрігерлерге алғыс білдіремін
Грек-рим күресінен 60 келі салмақ дәрежесінде Олимпиада жолдамасын иеленген Айдос Сұлтанғали жеңісті сәтте Sport Plus Qazaqstan сайтына пікірін білдірді.
Күрес бастағалы Олимпиадаға бару арманым еді. Шыны керек, баратыныма күмән болған жоқ. Сол мақсатыма берік болдым. Енді алда бір қадам - Олимпиадада жүлде салу.
Біздің жетістігіміздің артында бапкерлердің, дәрігерлердің, басқа да мамандардың үлкен еңбегі тұр. Көп жағдайда ол еленбей қалып жатады. Сондықтан осы үлкен командаға алғыс білдіргім келеді.
Бүгін екінші белдесуде өзімді толық көрсете алмадым. Алда Олимпиада лицензиясы тұрғасын, сақ болып, ыңғайсыз қарсыласпен толық мүмкіндігімді көрсетпедім. Кейін бас бапкеріміз Юрий Васильевич тактикасын қойып берді, осылайша жартылай финалда тез жеңдім.
Мейіржан екеуміз бір бөлмеде тұрамыз. Үзіліс кезінде қонақ үйге барып, түскі асымызды іштік. Аз уақыт ұйықтап, бір шыны кофемізді іштік. Жақсы көңіл-күйде залға келдік.
