«Қайрат» сырт алаңда жеңіске жетіп, ҚПЛ көшбасшылары қатарына шықты

Қазақстан Премьер-Лигасының 17-турындағы алғашқы матчта Петропавлдың «Қызылжар» командасы өз алаңында Алматының «Қайрат» клубымен кездесті, деп хабарлайды Sport Plus Qazaqstan.

Ойынның алғашқы бөлігінде алаң иелері белсенді болды, бірақ бірнеше сәттерді жіберіп алды. Ал бірінші таймның соңында Андрей Ульшин есепті ашып, «Қайратқа» жеңіс әкелді. Матч 1:0 есебімен аяқталды.

Бұл жеңістен кейін «Қайрат» 31 ұпай жинап, турнирлік кестеде бірінші орынға шықты. «Қызылжар» 19 ұпаймен ортаңғы орындарда жайғасты.