«Челси» «Астанаға» қарсы матчқа жастар құрамын жібереді

Лондондық «Челси» Конференция лигасының негізгі кезеңінің бесінші турындағы «Астанаға» қарсы матчта жастарға сенім артады, деп хабарлайды Sport+.

Ақпаратқа сәйкес, УЕФА сайтына жаңартылған тізімге клубтың 11 жас ойыншысы қосылған: Харрисон Мюррей-Кэмпбелл, Кайден Уилсон, Тайрик Джордж, Киано Дайер, Харрисон МакМахон, Самуэль Рак-Саки, Ато Ампах, Макс Меррик, Джош Ачемпонг, Шумайра Мхеука және Ричард Олисе.

Турнир басталған кезде тізімде тек Ачемпонг, Дайер, Джордж, МакМахон және Меррик болған, бірақ турнир барысында «B» тізіміне шексіз жас ойыншыларды қосуға рұқсат етілген, соны «Челси» тиімді пайдаланды.

Клуб «Кобхэм» академиясының тәрбиеленушілеріне толықтай сенім артады, өйткені бұл академия елдегі таланттарды дайындаудың ең үздік орталықтарының бірі болып саналады.

Сондай-ақ, бұл шешім U-21 командасының міндеттеріне қайшы келмейді, себебі олардың келесі ойыны тек дүйсенбі күні өтеді.