Пәтердің кілтін әлі бермеді: Ақмарал Науатбек

Паралимпиада ойындарының чемпионы, дзюдошы Ақмарал Науатбек тележүргізуші Динара Сәтжанның Late Night Show бағдарламасына сұхбат берді, деп хабарлайды Sport +.

Спортшы жүлдеге қол жеткізгеннен кейін өзіне берілген сыйлықтар туралы айтып берді.

Спортшыға Астана қаласының әкімдігі 3 бөлмелі пәтердің сертификатын сыйлаған. Дегенмен, пәтердің кілті әлі берілмеген.

«Пәтердің кілтін әлі алмадым. Қандай тұрғын үй кешенінен берілетіні де белгісіз. Биыл беріледі деп үміттенемін», - деді Ақмарал Науатбек.

Пәтерден бөлек спортшыға 30 млн теңге берілген. Спортшы ол ақшаның есепшотына түскенін жасырмады. Одан кейін мемлекеттен берілуі тиіс 250 мың доллар туралы сөз қозғады.

«Жақын арада аламыз деп ойлаймын. Олимпиада мен паралимпиада жүлдегерлеріне бұл сыйақы бір уақытта берілетін шығар», - деді Ақмарал Науатбек.