Нұрбек Қабдрахманов бапкерінің экс-қарсыласымен жекпе-жекке шығады

NAIZA лигасының жартылай жеңіл салмақтағы чемпионы Нұрбек Қабдрахманов (10-2) 21 желтоқсанда Семей қаласында өтетін турнирде белбеуін қорғайды, деп хабарлайды Sport+.

Нұрбектің қарсыласы ресейлік Николай Киоссе (8-3) болады. Ол соңғы жекпе-жектерін АСА Young Eagles лигасында өткізген.

2023 жылы Киоссе қазақстандық Раимбек Орынбайды төрешілер шешімімен жеңген. Қазіргі таңда Орынбай Нұрбек Қабдрахманов жаттығатын «Еркін Күш» клубында бапкер болып жұмыс істейді.

NAIZA 70 турнирі тікелей эфирде Sport+ Qazaqstan арнасынан көрсетіледі.