Махмұд Сабырхан – бокстан Азия чемпионатының жартылай финалисі

Қазақстандық боксшы Махмұд Сабырхан (54 келі) Таиландта өтіп жатқан бокстан Азия чемпионатында ширек финалдық жекпе-жегін өткізді, деп хабарлайды Sport+.

Ширек финалда Сабырханның қарсыласы Шри-Ланкалық Кумар Джанайят болды. Махмұд қарсыласын мерзімінен бұрын жеңіп, жарыстың жүлдесіне қол жеткізуді қамтамасыз етті.

Бұған дейін жартылай финалға өзге қазақстандық Санжар Тәшкенбай шыққан болатын. Ол тәжікстандық Мехрон Шафиевті жеңген еді. Ал Сәкен Бибосынов өзбекстандық Асилбек Жалиловқа есе жіберді.