Магомед Адиев: Қарсылас бізден жылдам болды және түскен қысымға төтеп бере алмадық
Қазақстан құрамасының бас бапкері Магомед Адиев Грекия құрамасынан жеңілісінің себептерін атады, деп хабарлайды Sport Plus Qazaqstan:
«Матчтың басындағы осындай жағдайға біз дайын болмадық, бірақ бұл талқыланған болатын. Біз ойынның алғашқы минуттарынан бастап қысым болатынын көп айтқанбыз. Өкінішке орай, бұл іске аспады, және 15-минутта қарсылас 2:0 есебімен алға шықты. Біз ойынға қайта оралу мүмкіндігін таба алмадық. Бұның себебі неде? Қарсылас бізден жылдам болды, және психологиялық тұрғыдан жігіттер дайын болғанымен, нәтиже кесірінен бізге түскен қысым өте ауыр болды. Біз бұған төтеп бере алмадық».
Сондай-ақ, маман ойынға таңдалған құрам жайлы пікір білдірді:
«Құрамды өздеріңіз көрдіңіздер, біз гибридті схеманы жасағымыз келді, өйткені Грекия вертикальді футбол ойнайды. Чесноков пен Астанов 5-3-2 схемасында шабуыл мен қарсылас орталық аймақты кеңейтуі керек еді. Бұл Бахаға еркіндік беруі тиіс еді. Қапталдарда біз осалдық көрсеттік деп ойлаймын, Ян кейде қосылса, Бағдатқа қиынырақ болды. Ол пенальтиді ұмыта алмай, сол жерде қалып қойды».
Қазақстан құрамасы 21 наурызда Афинада Грекиямен ойнап, Ұлттар лигасының плей-офф кезеңінде 0:5 есебімен ұтылды. Жеңіліс Қазақстан құрамасын Еуро-2024 жолдамасы үшін күрестен шығарды.
