Кристина Шумекова ұлттық рекордты жаңартты

9-28 қазан аралығында конькимен жүгіруден Қазақстан құрамасы Германияның Инцель қаласында оқу-жаттығу жиынын өткізіп жатыр. Дайындық аясында командамыз Әлем кубогі кезеңдеріне жолдама алу үшін ISU халықаралық жарысында сынға түсті, деп хабарлайды Sport+ Спортты дамыту Дирекциясына сілтеме жасай отырып.

Жарысқа 16 елдің спортшылары қатысты. Кристина Шумекова 3000 метр қашықтығында 4:15.48 уақытымен жасөспірімдер арасындағы Қазақстан Республикасының ұлттық рекордын жаңартты.

Сонымен қатар спортшыларымыз өз үздік көрсеткіштерін де жақсарта алды: қыздар 11 жеке рекорд орнатса, ерлер 500, 1000, 1500, 3000 және 5000 метр қашықтықтарында 22 үздік нәтиже тіркеді.