Қазақстан құрамасы керлингтен әлем чемпионатын сәтті бастады

12-19 қазан аралығында Абердинде (Шотландия) керлингтен аралас командалар арасындағы 8-ші әлем чемпионаты өтуде, деп хабарлайды Sport Plus Qazaqstan. 

Біріншілікке 39 аралас команда (екі ер және екі әйелден құралған) қатысады. Қазақстан құрамасының сапында Абылайхан Жүзбай, Айдос Аллияр, Мерей Тастемір және Тілсімай Аллиярова бар. Алғашқы матчта отандық спортшылар Финляндиядан 5:4 есебімен басым түсті. 

Екінші айналымда Швейцариямен жолы түйіскен жерлестеріміз 4:6 есебімен қарсыласқа жол берді. 

Алда Кения, Германия, Уэльс, Украина, Бельгиямен матч күтіп тұр.