Ислам Махачев UFC 302-де Дастин Порьені мерзімінен бұрын жеңді
1-2 маусымға қараған түні Ньюаркте (АҚШ) UFC 302 аралас жекпе-жек турнирі өтті. Негізгі іс-шарада ұйымның жеңіл салмақтағы чемпионы (70 келіге дейін) ресейлік Ислам Махачев американдық Дастин Порьеге қарсы титулды қорғады, деп хабарлайды Sport Plus Qazaqstan.
Жекпе-жек бес раундқа созылды және Махачевтің жеңісімен соңғы раундта тұншықтыру әдісімен аяқталды. Осылайша, Ислам жеңіл салмақтағы чемпиондық белбеуді қатарынан үшінші рет қорғады.
Махачев қазан айында Абу-Дабиде (БАӘ) өткен UFC 294 турнирінде австралиялық Алекс Волкановскийді техникалық нокаутпен жеңген еді. Енді Махачевтің еншісінде 26 жеңіс және бір жеңіліс бар.
Порье UFC 299 турнирінде француз Бенуа Сент-Дениді мерзімінен бұрын жеңіп, отандасы Джастин Гэтжимен реванштағы жеңілісін жауып тастады. Дастиннің 30 жеңісі және 9 жеңілісі бар.
