UFC жанкүйерлерінің көзқарасы бойынша ол құбыжық: белгілі менеджер Шавкат Рахмоновтың кейіпі туралы
OCTAGON лигасының президенті, белгілі промоутер Нұраддин Садықов Sport Plus Qazaqstan телеарнасының студиясында UFC-дің жауынгері Шавкат Рахмоновты американдық жанкүйерлер қалай қабылдайтыны туралы пікір айтты.
- Қазақстандық жауынгерлерге Шавкат сияқты ерекше болу керек. Шавкаттың түрі азиялық, басында тымақ бар. Оның кейіпі ойластырылған. Оның 18 жекпе-жегі бар, оның бәрі жеңіспен аяқталды. Бәрі керемет. Ол тымақ киіп шығады ды, бәрін мыжып, ұрып кетеді. Оның кейіпі солай қалыптасқан. Шавкат қазір ағылшынша үйреніп, сөйлесе, оған бұл әрекет кері әсер ету мүмкін. UFC жанкүйерлерінің көзқарасы бойынша ол құбыжық. Кезінде біздің шығыстағы көршілеріміз, ұлы қорғанын салып, біздің ата-бабаларымыздан қалай қорықты, дәл солай Шавкатты АҚШ-та да қабылдайды. Ол 5-ғасырдан келген, тілі өзгеше, түсініксіз кейіпкер сияқты, - деді белгілі промоутер.
Нұраддин Садықов пен Азат Мақсұм Sport Plus Qazaqstan телеарнасының арнайы шығарылымының құрметті қонағы атанды. Кейіпкерлермен толық сұхбатты жақынарада біздің YouTube-арнамызда тамашалауға болады.
