Иброхимхалил Юлдошев: Өз күшімді Сауд Арабия чемпионатында сынап көргім келеді

Алматылық «Қайраттың» қорғаушысы Иброхимхалил Юлдошев Sport Plus Qazaqstan сайтына берген сұхбатында Қазақстан мен Ресей чемпионатының деңгейін салыстырып, алдағы мақсаттарымен бөлісті.

— Ресей Премьер­-лигасында футбол жылдам, техникалары жоғары және мықты командалар өнер көрсетеді. Ресейдегі футбол инфрақұрылымы жоғары деңгейде екені жасырын емес. Жанкүйерлер үшін стадиондарда ерекше жағдайлар жасалады. Футболшылардың отбасыларына ойынды көру үшін бөлек секторлар жиі қалдырылады, ал суық болған кезде олар вип-ложалармен қамтамасыз етіледі. Ресей футболындағы жалақы жоғары және сыйақылар жиі төленеді.

Сонымен қатар Өзбекстан құрамасының ойыншысы өзінің алдағы мақсатымен бөлісті.

— Осы маусымда мен «Қайратпен» бірге Қазақстан чемпионы атанғым келеді. Мен бұдан әрі жоспарлар құрып, оларды агентпен талқылаған жоқпын. Алайда өз күшімді Сауд Арабия чемпионатында сынап көргім келеді. Егер балалық шағымдағы сүйікті клуб туралы айтатын болсам, мен — «Барселонаның» жанкүйерімін, - деді футболшы.