Рафаэль Уразбахтин: Біз үшін ойын ырғағын алу маңызды болды

«Қайрат» бас бапкері Рафаэль Уразбахтин «Елімайға» қарсы өткен жолдастық матчты (3:0) қорытындылады, деп хабарлайды Sport+.

«Біз көздеген мақсатымызға жеттік: жігіттерді бақылап, үш тайм бойынша 20 минуттан ойнадық. Жүктемені тең бөліп беруге тырыстық. Маусымның басталуы, алғашқы ойын. Ұзақ уақыт бойы тәжірибенің болмауына байланысты көптеген сәттер байқалды. Қазіргі уақытта сапаға аса мән берген жоқпыз. Біз үшін ойын ырғағын алу маңызды болды, сондықтан өз мақсатымызға қол жеткіздік», – деді Уразбахтин.