«Қызылжар» Қазақстан құрамасының ойыншысымен толықты

«Қызылжар» футбол клубы жартылай қорғаушы Андрей Ульшинмен келісімшартқа отырғанын жариялады, деп хабарлайды Sport+.

Андрей Ульшин — «Қайрат» футбол клубының түлегі. Оның негізгі командадағы дебюті 2020 жылы Премьер-Лиганың 19-шы турында біздің командаға қарсы ойында өтті. Алматылық командада өнер көрсеткен уақыт ішінде Андрей 81 матчқа қатысып, 9 гол соғып, 9 нәтижелі пас берді. Оның қоржынында Премьер-лига чемпионы, Қазақстан Кубогы иегері деген атақтар бар.

Сонымен қатар, Андрей биыл алғаш рет ұлттық құрамаға шақырту алды.