Ғалым Мамбеталиев: Бұрын аз ойнаған хоккейшілер бар, соларға көбірек сенім артып, жұмысты арттырамыз

«Барыс» хоккей клубының бас бапкері Ғалым Мамбеталиев «Металлургпен» жеңісті ойын жайынды пікірін білдірді: 

— Қарсыласты алдын ала зерттедік, қорғаныстан шабуылға көшетін жақсы команда. Қорғаныста сабыр таныттық, контршабуылда шайба соға білдік. Команда қайсарлық танытып ойнауы қуантады. Жігіттер уақыт өте келе шаршамай, әр кезеңде күш салып ойнай алатыны көрініп тұрды. Кейбір осал тұстар бойынша әлі де жұмыс істейміз. Бұрын аз ойнаған хоккейшілер бар, соларға көбірек сенім артып, жұмысты арттырамыз. 

Әр жеңіс команданың сенімін арттырады. Үлкен есеп айырмасымен жеңсе, ойыншылар босаңсып қалуы әбден мүмкін. Ал тең ойындарда соңына дейін тартысқа толы болса, әрі қарай жұмыс жалғаса береді.