Ерасыл Ақранбек RCC Hard турнирінде мерзімінен бұрын жеңілді

Қазақстандық боксшы Ерасыл Ақранбек Ресейдің RCC Hard турнирінде жұдырықтасу жекпе-жегін өткізді, деп хабарлайды Sport+.

Рингте Ерасыл ресейлік Евгений Шишковпен кездесті. Үш раундқа жоспарланған жекпе-жек мерзімінен бұрын аяқталды. Бірінші екі минуттықта Ақранбек ауыр соққы алып, нокдаунға түсті. Үзілісте Ерасылдың командасы жарақатына байланысты оны жекпе-жектен шығару туралы шешім қабылдады.

Евгений Шишков техникалық нокаутпен жеңіске жетті.