Дзюдо: Елдос Сметов қолаға таласады
Астанада өтіп жатқан дзюдодан Qazaqstan Barysy Grand Slam жарысында Елдос Сметов қола жүлдеге таласу мүмкіндігіне ие болды, деп хабарлайды Sport Plus Qazaqstan.
60 келі салмақта ел намысын қорғап жүрген отандасымыз Сметов ширек финалда ресейлік Рамазан Абдулаевқа есе жіберген болатын.
Алайда, жұбаныш белдесуінде қазақстандық татами шебері түрікменстандық Айбек Өміровті «иппон» әдісімен жеңіп, жүлделі орын алуға таласатын болды.
Олимпиада ойындарында Қазақстан қоржынына екі мәрте жүлде сыйлаған Сметов соңғы жылдары бірде-бір жүлдеге қол жеткізе алмай келеді.
